Foi descuberto en 1913 e durante décadas realizáronse escavacións arqueolóxicas que permiten confirmar a importancia deste castro na cultura castrexa.

O Castro de Santa Trega é a mostra da cultura castrexa máis importante do noroeste peninsular pola súa extensión e os materiais descubertos durante as campañas de escavación.

Pódese observar parte da estrutura de castro que foi escavada e consolidada. Ademais de dúas casas reconstruídas. A súa extensión supera as 20 hectáreas e considérase unha Citania xa que estaba habitada por máis de 4.000 persoas, o que implica unha importante urbanización do espazo.

Menos do 20% de castro está actualmente visible e a parte mellor conservada está situada ao redor da estrada de subida ata a cima.